7 oktober 2022
Laatste:

Column Joop Hekkelman: ‘t Appje

7 oktober 2022

Der is weer’s ‘n campagne op etuugd um de verkeersveilegheid te borgen.
Disse keer geet ‘t aover app-gedrag. ‘t Schient dat der joorleks nogal wat ongelukkn gebeurt umdat de ontvanger van zo’n berichtje onderweg metene wil reageern at de tillefoon pie:pt. Der is gin verbeelding neudeg um te begriepm dat door gevoorleke verkeerssituaties uut könt ontstaon. Prima dat door andach veur is. Dat laezen op oew tillefoon kan bes effm wachtn.
Whatts app is ‘n makkelek communicatiemiddel. A’j wat te vraogen of te meldn hebt
kö’j metene de boodschap kwiet. Wachtn levert wellicht ok minder appjes op, umda’j deurgaons ‘n uur later vergetten bunt wa’j te zeggn haddn. Den categorie hef dus gin weerde, want der is gin urgentie is um ‘t te ontholln. Aoverbaodeg dus!